Home Wararka Gudaha Xuseen Macalin: Soomaaliya waxay diyaar u tahay dagaal haddii Itoobiya aysan ka...

Xuseen Macalin: Soomaaliya waxay diyaar u tahay dagaal haddii Itoobiya aysan ka laaban heshiiska Somaliland

10
0

(Axad 14-ta January 2024, Muqdisho-xog-ogaal)  La-taliyaha amniga qaranka ee Madaxweynaha Soomaaliya, Xuseen Macalin ayaa sheegay in ay Soomaaliya diyaar u tahay dagaal ay la gasho Itoobiya si looga hortago heshiiska Somaliland iyo Ethiopia ee dhinaca badda, sida uu ku sheegay wareysi uu siiyay wargeyska The Guardian, la taliyaha amniga qaranka ayaa yiri: “Waxaan raadineynaa dhammaan fursadaha diblomaasiyadeed, waxaana filayaa in Itoobiya ay soo noqon doonto maskaxdeeda, laakiin waxaan diyaar u nahay dagaal haddii Abiy Ahmed uu rabo dagaal.”

1-dii Jannaayo, Itoobiya waxay la saxeexatay Somaliland heshiis is-afgarad ah oo u ogolaanaya dhismaha deked xeebeed iyo saldhig milatari oo ay ka dhisanayso badda Saylac oo katirsan dhulka jamhuuriyadda Soomaaliya, talaabadan ayaa ka cadhaysiisay dawladda Soomaaliya oo sheegtay in Somaliland ay ka tirsan tahay dhulkeeda, isla markaana dowladdu waxay ku dhawaaqday in heshiiskaasi uu xadgudub ku yahay qaranimada iyo dowladnimada Soomaaliya.

Madaxweynaha Soomaaliya ayaa dhammaadka bishaan Kampala uga qeyb galaya shir madaxeedka IGAD oo looga hadlidoono xiisadaha cusub ee Soomaaliya iyo Ethiopia. IGAD ayaa isku dayaysa inay xal u raadiso khilaafka labada waddan, talaabada Addis Ababa ee dhinaca badda ayaa ku soo beegantay iyadoo ay socoto dhismaha biyo xidheenka Grand Renaissance Dam ee Itoobiya, taasoo ka cadhaysiisay Masar iyo Suudaan, oo sheegay inay hoos u dhigayaan helitaanka biyaha Niilka.

URL List

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.