Home Wararka Gudaha Wasiirka Gaadiidka iyo Duulista oo beeniyay in la xiray qaar kamid ah...

Wasiirka Gaadiidka iyo Duulista oo beeniyay in la xiray qaar kamid ah madaxda shirkadaha duullimaadyada

193
0

Talaado 15-ka Maarso, (Mogadishu-xog-ogaal) Wasiirka Gaadiidka iyo Duulista Hawada Xukuumadda Federaalka Soomaaliya Duraan Axmed Faarax, ayaa beeniyay wararka sheegaya in la xiray qaar kamid ah madaxda shirkadaha duullimaadyada, wasaaradda Gaadiidka iyo shirkadaha duullimaadyada ayaa magaalada Muqdisho ku dhex maray kulan ku saabsanaa sidii loo dhisi lahaa urur ay ku mideysanyihiin shirkadaha diyaaradaha ee ka howl-gala Soomaaliya.

Balse warbaahinta maxaliga iyo baraha bulshada ayaa shalay lagu qoray in kaddib markii la isku fahmi waayay kulankaasi uu wasiir Duraan Axmed amray in muddo kooban la xiro qaar kamid ah madaxda duullimaadyada, “baraha bulshada ayaan ku arkay dad ayaa la xirxiray. Anniga ma garanaayo meel ay ka keeneen, waliba waxaa ay leeyihiin wasiirka ayaa amarkaasi bixiyay. Anniga ma oggi amar aan leeyahay oo dad lagu xirxiray”.

Wasiir Duraan ayaa intaasi raaciyay in uusan oggeyn dad ka shaqeeya shirkadaha diyaaradaha oo la xirxiray, wakiilka shirkadda Halla airlines Yuusuf Maxamed (Xaaji Dool) oo la hadlay BBC Soomaali, ayaa beeniyay in shirkadaha ay ku kala qeybsameen arrintan, balse buuq uu ka dhashay markii wasaaradda ay codsatay in mar kale dib-loo-dhigo shirkaasi.

About The Author

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.