(Baxda-xog-ogaal) Waxaa degan xaaladda degaanka Baxda ee Gobolka Galgaduud, halkaas oo saaka aroortii hore ay weerar ku qaadeen dagaalamayaal ka tirsan Ururka Al-Shabaab.
Dagaal muddo ku dhow laba saacadood socday ayaa degaanka Baxda ku dhexmaray Ciidamo Boolis ah oo degaanka ku sugan iyo maleeshiyaad degaanka ah oo dhinac ah iyo Al-Shabaab oo dhanka Bari degaanka kasoo galay.
Saraakiil dhinaca amniga ah ayaa sheegay in dadka degaanka ay siweyn isaga difaaceen Al-Shabaabkii soo weeraray, isla markaana Al-Shabaab ay u suurto geli weeysay inay la wareegaan degaanka Baxda.
Wararkii ugu dambeeyay ee naga soo gaaraya degaanka Baxda ayaa waxaa ay sheegayaan inay dib uga laabteen Al-Shabaab, isla markaana haatan ay ku sugan yihiin Ciidamada Booliska iyo maleeshiyaadka degaanka ah, kuwaas oo Amniga siweyn u xaqiijinaya.
