Talaado 3-da May 2022, (Roma-xog-ogaal) Siihayaha xilka Agaasimaha Guud ahna Agaasimaha waaxda Maamulka iyo Maaliyadda ee Wasaaradda Awqaafta iyo Arrimaha Diinta Xasan Cabdiraxmaan Xuseen iyo Wafdi uu hogaaminayo ayaa Safar shaqo ugu ambabaxay magaalada Rome Caasimadda dalka Taliyaaniga, siihayaha Xilka Agaasimaha Guud iyo Wafdigiisa inta ay joogaan dalka Taliyaaniga waxay ka qeybgali doonaan shirka Arrimaha Diinta, Nabadda, Badqabka Iyo Amnul fikriga oo ay isugu imaan doonaan Khubaro Ku xeeldheer gorfeynta nabad dhiska, Fikradaha xagjirnimada rabshadaha wata.
Shirka waxaa lagu casuumay matalayaal ka socda dowladaha Islaamka, iyadoo lagu soo bandhigi doona muhiimada Wadahadalka Nabadda iyo dabargoynta Fikradaha Xagjirnimada rabshadaha wata, siihayaha xilka Agaasimaha Guud ahna Agaasimaha waaxda Maamulka iyo Maaliyadda ee Wasaaradda Awqaafta iyo Arrimaha Diinta Xasan Cabdiraxmaan Xuseen ayaa nta uu joogo Magaalada Roma waxaa uu kulamo kala duwan la qaadan doonaa madaxda kala duwan ee ka qeyb galeysa shirka looga hadlayo arrimaha ku saabsan Fikradaha xagjirnimada rabshadaha wata.
