Dh/mareeb-Xog-ogaal) Wararka ka imaanaya gobolka gal gaduud ayaa sheegaya in fashil uu ku soo dhamaaday waan waan laga waday deegaanka Bohol ee gobolkaasi, halkaasi oo xarun u ah ciidamadii iyo Madaxdii Ahlu Sunna ee dhawaan magaalada Guriceel dagaalka kula galay ciidamada dowladda iyo kuwa Galmudug, ilo wareed la helay ayaa sheegaya in ay soo xirantay rajadii lagu doonayey in wada hadal looga dhex abuuro Madaxda Galmudug iyo hogaanka Ahlu Sunna ee ku sugan deegaanka bohol, waxaana halkaas iskaga soo baxay saraakiil uu hoggaaminayey Jeneral Labo afle.
Sida warku sheegayo ku dhawaad labo todobaad ayaa deegaanka Bohol waxaa ku sugnaa taliyaha guutada 6aad ee qeybta 60aad General Aadan Abshir Nuurre (Labo afle) oo Muqdisho uga tagay sidii uu xal ugu heli lahaa xiisada udhexeysa Galmudug iyo Ahlusuna, kadib waanwaan iyo wada hadal uu la sameeyay labada dhinac waxaa natiijo la’aan kusoo dhamaaday dedaalkii lagu raadinayay xalka waxaa sidoo kale isaga ku wehlinayey waan waantaasi mas’uuliyiin kale oo qeyb ka ahaa wafdigii isbuuc kahor tagay bohol.
Taliyaha ciidamada Ahlu sunna ee ku sugan deeg-aanka bohol ayaa sheegay inaysan galeynin wadahadal aan aheyn kii ay guriceel uga soo baxeen,wuxuuna sheegay in cidna aysan wee-rar ku aheyn ciddii soo weerartana ay iska difaaci doonaan,isaga oo xusay in maamulka Galmudug uu kaleedxay wadadii iyo qaabkii loo dhisay uuna ma jarahabaabay, warar aan la xaqiijin ayaa sheegaya in Ahlu Suna ay shuruudo adag ka keentay wada hadal ay la galaan maamulka Galmudug iyaga oo dalbaday xilal kala duwan iyo qodobo kale
