Arbaco 1-da February 2023, (Muqdisho-xog-ogaal) waxaa ka dhacay degmooyinka magaalada Muqdisho tiro hoobiyeyaal oo la tilmaamay iney ku dhaceen xaafadaha ku dhow agagaarga Xarunta Madaxtooyada Soomaaliya, hoobiyeyaashaan oo gaaraya ilaa 5 ayaa laba ka mid ah la xaqiijiyay iney ku kala dhaceen guri shacab ah oo ku yaala Isgoyska Bakaaraha iyo goob Maqaayad ah oo ku taala Isgoyska Taljiinka, waxa ayna geysteen qasaaro isku jira dhimasho iyo dhaawacba hase ahatee ma cadda ilaa hada tirada saxda ah ee dhaawaca iyo dhimashada.
Hoobiyeyaashaan lagu garaacay gudaha magaalada Muqdisho ayaa imaanaya, iyadoo saakay waddooyinka Muqdisho loo xiray shir ay ku yeelanayaan gudaha magaalada Muqdisho Madaxda dalalka la isku yiraahdo safka hore ee Soomaaliya, Itoobiya, Jabuuti iyo Kenya.