Axad 11-da September 2022, (Mogadisho-xog-ogaal) Shirka madasha wadatashiga Qaran oo ay isugu imanayaan madaxda dowladda iyo kuwa maamul goboleedyada ayaa maanta ka furmaya xarunta madaxtooyada ee Villa Soomalaiya, madaxweynayaasha maamulada Jubaland,Hirshabelle,Koofur Galbeed iyo Galmudug ayaa caasimadda ku sugan, iyagoo shalay u yimid ka qeyb galka shirkan, halka Siciid Deni uu shirka uga qeyb gali doono Aalada Fogaan-araga, taas oo ay qaar kamid ah madaxda dawlad gobaleedyada saluug ka muujiyeen.
Madaxda dawlad gobaleedyada iyo dawladda faderaalka ayaa wada hadaladooda ku wajahan xaaladdaha Amniga, dhaqaalaha & Siyaasada ay hareyn doonaan doodo xoog badan oo ku aadan sida ay dhinacyadu isku qaadan karaan, xili uu jiro kala aragti duwnaaan xoog leh, shirka oo laba cisho ah ayaa la filayaa in la soo gaba-gabeeyo maalinimada beri ah, iyadoo 13-ka bishana uu madaxweynaha ku wajahan yahay dalka Kenya, si uu uga qeyb galo caleema saarka madaxweyne William Rutto.
Lama oga sida ay dhinacyadan shireysa heshiis uga gaari karaan arrimaha ugua dag ee horyaala shirka ee ah arrinta qeybsiga dhaqaalaha oo ay ku heshiin waayeen wasiirka maaliyada soomaaliya iyo wasiirada maaliyada dowlad goboleedyada oo maalmahan oo dhan Muqdisho ku shirsanaa.
About The Author
