Isniin 18-ka July 2022, (Labakuus-xog-ogaal) Warar dheeraad ah ayaa laga helayaa howlgal dhimasho sababay oo ciidamadda sida gaarka ah u tababaran ee DANAB ay ka sameeyeen deegaanka Labakuus ee ka tirsan gobolka Jubbada Hoose, waxa ay wararku sheegayaan, howlgalkan ayaa yimid kadib markii ciidamadda amiga ay soo gaartay cabasho ku aadan in xubno Al-Shabaab ah ay lacagao xad dhaaf ah ka qaadanayaan dadka iyo gaadiidka halkaasi mara, iyo sidoo kale “canshuur” ay ka qaadaan dadka xoolo dhaqatada ah ee deegaankaasi ku dhaqan.
Wararka ayaa intaasi ku sii daraya in iska-horimaad kooban oo dhexmaray ciidamadda DANAB iyo Shabaab uu dhaliyay dhimashada 5 kamid ah kooxda Al-Shabaab uu ku jiro hoggaamiyihii kooxdaasi u qaabilsanaa dhanka dhaqaalaha ee deegaanka Labakuus halka mid kale oo ka tirsan Alshabaaab ay gacanta ku dhigeen ciidamada DANAB, waxaa kale oo intaasi ku sii daraya in ciidamadda DANAB ee howlgalka fuliyay ay gacanta ku soo dhigeen 4 qori oo AK47 ah, 1 qori oo nooca BKM-ka loo yaqaano, iyo daraasiin qalab kale oo hub ah, mana jirto wax war ah oo wali ka sii baxay kooxda Al-Shabaab oo xaqiijin kara sheegashada saraakiisha ciidanka dowladda.
About The Author
