Home Wararka Gudaha Midowga Afrika: Howlgalka ATMIS wuxuu yeelan doonaa ciidan guur guura oo burburiya...

Midowga Afrika: Howlgalka ATMIS wuxuu yeelan doonaa ciidan guur guura oo burburiya Alshabaab

26
0

1 Maarso, ( Mogadishu-xog-ogaal) Midowga Afrika iyo Dowladda Federaalka Soomaaliya ayaa isla meel dhigay qorshaha lagu bedelayo howlgalka (AMISOM), iyadoo lagu bedelayo howlgal cusub ee loogu magac daray ATMIS,howlgalkan oo qorshuhu yahay inuu bilowdo bisha abril, ayaa ogolaansho ka heysta labada dhinac ee guddiga Nabadda Midowga Afrika iyo sidoo kale Golaha Ammaanka ee Qaramada Midoobay.

Guddoomiyaha Midowga Afrika ee arrimaha siyaasadda, nabadda iyo amniga, Bankole Adeoye, ayaa sheegay in howlgalka cusub uu diiradda saari doono in si buuxda mas’uuliyadda amniga loogu wareejiyo ciiddamada qalabka sida ee dowladda federaalka Soomaaliya, “ATMIS-ku waxa uu 100% la jaan qaadayaa qorshaha Kala-guurka ee Soomaaliya. Tani waxay ina tusinaysaa in istiraatijiyadda Dowladda Soomaaliya iyo ujeedada ATMIS-ka la is waafajin doono,” ayuu yiri Bankole Adeoye, oo booqasho rasmi ah ku tagay Muqdisho.

Danjire Adeoye oo kulamo la qaatay Madaxda dowladda Soomaaliya ayaa sheegay in hannaanka lagu hagayo howlgalkan uu yahay ixtiraamka madax-bannaanida iyo wadajirka dhuleed ee Soomaaliya, midowga Afrika ayaa sheegay in howlgalka ATMIS uu yeelan doono ciidan guur guura oo si degdeg ah u burburin kara Alshabaab iyo kooxaha hubeysan ee caqabada ku ah amniga iyo kala dambaynta Soomaaliya.

LEAVE A REPLY

Please enter your comment!
Please enter your name here