Home Wararka Gudaha Madaxweynaha Koonfur galbeed oo wakiilka Qaramada Midoobay kala hadlay arrimaha amniga iyo...

Madaxweynaha Koonfur galbeed oo wakiilka Qaramada Midoobay kala hadlay arrimaha amniga iyo abaaraha

160
0

Axad 31-da July 2022, (Baydhabo-Xog-ogaal) Madaxweynaha dowlad goboleedka Koonfur galbeed C/casiis Xasan Maxamed Laftagareen ayaa aqalka madaxtooyada ee magaalada Baydhabo ku qaabilay wafdi uu hogaaminayay wakiilka Qaramada Midoobay u qaabilsan  Soomaaliya  James Swan, wafdiga  James Swan  ayaa waxaa qeyb ka ahaa Madaxa IOM ee Soomaaliya iyo ku xigeenka wakiilka UNHCR, waxaana kulan ay yeesheeen uga wada hadleen arrimo ay ka mid yihiin xoojinta aminiga, abaaraha, la dagaalanka waxa loogu yeero argigixisada iyo hirgelinta mashaariic hormarineed.

Wakiilka Qaramada Midoobay u qaabilsan  Soomaaliya James Swan ayaa madaxda Koonfur galbeed uga tacsiyadeeyay mas’uuliyiintii lagu dilay qaraxyadaii ka dhacay Baydabo & marko, wuxuuna sheegay inay xoojin doonaan wadashaqeynta kala dhaxeeysa iyo taageerda ay siiyaan, dhankiisa madaxweynaha koonfur galbeed ayaa uga mahad celiyay taageerada Qaramada Midoobay ee Soomaaliya, isaga oo ugu baaqay inay kordhiyaan mashaariicda Qaramada Midoobay ka fuliso degaanada Koonfur galbeed.

Wakiilka Qaramada Midoobay u qaabilsan  Soomaaliya James Swan ayaa wada booqasho uu ku tagayo degaanada dowlad goboleedyada, waxaana uu tagay magaalada Dhuusamareeb, iyada oo la filayo in dhawaan deegaanada kale ee dowlad goboleedyada uu tago.

About The Author

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.