Isniin 8-da August 2022, (Jowhar-Xog-ogaal) Guddoomiyaha maamulka gobolka Shabeelaha dhexe Axmed Meyre Makaraan ayaa shir gudoomiyey kulanka amniga oo ay ka qeyb galeen saraakiisha ciidamada booliska Hirshabelle ciidamada Nabadsugidda iyo kuwa xoogga dalka Soomaaliyeed, kulanka oo lagu qabtay magaalada Jowhar ayaa looga hadlay xaaladda amni ee Gobolka Shabeelaha dhexe gaar ahaan magaalada Jowhar oo maalmihii la soo dhaafay ay qaraxyo ka dhacayeen.
Dhammaan saraakiisha ka qeyb gashay kulanka ayaa waxay warbixino guud ka siiyeen guddoomiyaha howlgalada ciidamada xoogga dalka iyo kuwa howlgalka ATMIS ay ka sameeynayeen degaannada Hirshabeelle, guddoomiyaha maamulka gobolka ayaa laamaha amniga faray in la kordhiyo howgallada looga hortagayo falalka amni darada iyo qaraxyada ee ka dhacaya magaalada Jowhar, kuwaas oo ay ku waxyeeloobeen madax iyo shacab.
About The Author
