Home Wararka Dibadda In ka badan 30 qof oo ku geeriyootay Shil ka dhacay dalka...

In ka badan 30 qof oo ku geeriyootay Shil ka dhacay dalka Kenya

164
0

Isniin 25-ta July 2022, (Nariobi-xog-ogaal) warar dheeraad ah oo aan ka helnay dalka kenyaa ayaa sheegaya ugu yaraan 30 qof ayaa geeriyootay kadib markii bas ay saarnaayeen uu ku dhacay webi ku yaalla bartamaha dalka Kenya, sida ay maanta sheegeen saraakiil deegaanka ku sugan, shilkan ayaa dhacay xilli uu baska kasoo safray magaalada Meru uu ku socday magaalo xeebeedka Mombasa.

Baska ayaa kasoo dhacay buundo dhulka ka sarreysa 40 meter, wuxuuna ku dhacay webiga Nithi ee ka hooseeya,sawirro ay daabaceen warbaahinta gudaha ayaa muujiyey baska oo kala dhantaalmay, ayada oo warbixinada ay sheegayaan in burburka baska iyo meydka ay daadsanaayeen biyaha iyo jiinka webiga.

Labaatan qof ayaa isla goobta ku geeriyooday Axaddii, halka afar kale ay ku dhinteen Isbitaalka, ayada oo meydadka lix kale lasoo helay maanta oo Isniinta ah, sida uu sheegay guddoomiyaha koontiga uu shilka ka dhacay Norbert Komora, weli waxaa socda baaritaan, waxaana isku dayaynaa inaan soo helno burburka,” ayuu yiri. “Waxaa weli socda baaritaan ku saabsan waxa sababay shilka ka dhacay barta madow.” tirada dadka ku dhinta waddooyinka Kenya ayaa kordhay sanadihii dhowaa, qeybtii hore ee sanadkan 2022, 1,912 qof ayaa geeriyooday, taasi oo ah sare kac boqolkiiba sagaal ah marka loo eego tirada isla xilligaas ee sanadkii tegay oo aheyd 1,754, sida uu sheegay Maamulka Gaadiidka iyo Badbaadada Qaranka.

About The Author

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.