Home Wararka Gudaha Hoobiyayaal lagu garaacay magaalada Baraawe oo ka socoto doorashada Aqalka Hoose

Hoobiyayaal lagu garaacay magaalada Baraawe oo ka socoto doorashada Aqalka Hoose

171
0

(Baraawe-xog-ogaal) Hoobiyayaal ayaa lagu weeraray magaalada Baraawe, halkaas oo ay maanta ka bilaabatay doorashada todobo kursi oo aqalka hoose ah oo ka imaanaya dowlad goboleedyada Koonfur Galbeed.

Wararka aan helayno waxay sheegayaan in qaar kamid ah hoobiyayaashu ay ku dhaceen meel ku dhow xarunta madaxtooyada Koonfur galbeed, halkaas oo doorashada haatan ay ka socota.

Illaa iyo hadda lamasoo sheegin wax khasaare ah oo ka dhashay madaafiicda lagu weeraray Baraawe, inkastoo magaalada laga dareemayo welwel dhinaca amniga ah.

Ciiddanka amniga ayaa rasaas ka riday qeyb kamid ah gudaha magaalada, waxaana xiran waddooyinka waaweyn ee magaalada Baraawe, iyadoo ciiddamo aad u badan oo ka tagay Muqdisho la geeyay halkaas si ay amniga doorashada u xaqiijiyaan.

Weli lama oga cidda ka dambeysa hoobiyayaasha, hase ahaatee, urururka Alshabaab ayaa ku sugan meelo aan sidaas uga fogayn magaalada Baraawe.

Baraawe, waa markii ugu horraysay oo doorasho lagu qabanayo, waxayna kamid tahay magaalooyinka laga xoreeyay Alshabaab waqtigii dowladdiisa madaxweyne Xasan Sheikh Maxamuud.

Magaaladani waxay muddo dheer ku hoos jirtay xukunka Alshabaab, waxayna saldhig u ahayd saraakiisha sarsare ee Alshabaab, ka hor inta aan lagala wareegin sannadkii 2014.

About The Author

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.