Sabti 25-ta June 2022, (Mogadishu-xog-ogaal) Ra’iisal wasaaraha dhawaan la magacaabay ee Soomaaliya Xamse Cabdi Barre ayaa maanta hortagay Golaha Shacabka ee baarlamanaka federaalka Soomaaliya si ay codka kalsoonida ugu qaadaan, xildhibaanada Golaha Shacabka ayaa soo xaadiray xarunta golaha shacabka, waxaana dhammaan ku sugnaa gudoonka Golaha.
Kulanka waxaa soo xaadiray 220 Xildhibaan, gudoomiyaha golaha Shacabka Sheekh Aadan Maxamed Nuur Madoobe ayaa sheegay in dhammaan Xildhibaanadii soo xaadiray kulanka ay codka kalsoonida siiyeen Ra’iisul Wasaare Xamse Cabdi Barre.
Ma jirto Xildhibaan diiday ama ka aamusay, raiisul Wasaaraha Soomaaliya ayaa guda gali doonnaa Dhismaha Golaha Wasiirada xukuumaddiisa.
About The Author
