Home Wararka Gudaha Dowladda Maraykanka oo sheegtay in ay duqayn ku dileen sarkaal sare oo...

Dowladda Maraykanka oo sheegtay in ay duqayn ku dileen sarkaal sare oo katirsan Al-shabaab

119
0

Talaado 4-ta October 2022, (Mogadishu-xog-ogaal)Taliska ciidanka Maraykanka ee Afrika ayaa ka hadlay duqeyn cirka ah oo lagu qaaday Al-Shabaab, taasoo ka dhacday meel u dhow degmada Jilib, oo qiyaastii 370 KM dhanka Koonfur Galbeed kaga beegan Muqdisho, qiimeynta bilowga ah ee taliska Maraykanka ayaa ah in duqeynta lagu dilay horjooge ka tirsan Al-Shabaab iyo in aysan jirin dad rayid ah oo ku dhaawacmay ama ku dhintay.

Dowladda Maraykanka ma sheegin magaca sarkaalka lagu dilay duqaynta, balse waxay sheegtay inay macluumaad dheeri ah soo saaridoonto. Balse, dowladda federalka Soomaaliya ayaa horey u sheegtay in duqayntan lagu dilay madaxii dacwada Alshabaab Cabdullaahi Nadiir.

Taliska Mareykanka ee Afrika, oo ay weheliyaan la-hawlgalayaasheeda, ayaa sheegay inuu sii wadayo tillaabooyinka looga hortagayo Al-shabaab oo qorsheynaya weeraro ka dhanka ah dadka rayidka ah, dowladda Maraykanku waxay sheegtay inay sii wadi doonto tababarada, la-talinta, iyo qalabeynta ciidamada qalabka sida ee Soomaaaliya si ay u wiiqaan al-Shabaab.

URL List

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.