Home Wararka Gudaha Doorashada Aqalka sare oo kuraastii ugu dambeysay maanta lagu doortay magaalada Dhuusamareeb

Doorashada Aqalka sare oo kuraastii ugu dambeysay maanta lagu doortay magaalada Dhuusamareeb

122
0

Waxaa goordhaw si rasmi ah ugu soo gabagaboowday magaalada Dhuusamareeb ee xarunta maamulka Galmudug doorashada laba kursi oo ka harsaneyd kuraasta Aqalka Sare ee deegaan doorashadoodu tahay Galmudug, islamarkaana ka dhigeysa in guud ahaan la dhameystiray doorashadii kuraasta Aqalka sare oo ka koobneyd 54 Kursi.

Kursiga koowaad ee doorashadii maanta ka dhacday magaalada Dhuusamareeb waxaa ku guuleystay oo markale Senatarka afarta sano ee soo socota noqday Cabdi Xasan Cawaale Qeybdiid, kaasoo cod gacan taag ah ay ugu codeeyeen baarlamaanka Galmudug ku helay 83 Cod, kadib markii uu tanaasulay musharaxii la tartami lahaa Cawil Nuur Cali.

Kursiga labaad ee maanta doorashadiisa ka dhacday Dhuusamareeb oo ahaa kursiga ugu dambeeyay kuraasta Galmudug iyo guud ahaan kuraasta Aqalka sare waxaa ku guuleystay Cabdi Cismaan Xareed, kaaso asna musharaxii la tartami lahaa uu sheegay inuu tanaasulay, islamar ahaantaana Xildhibaanada Galmudug ugu codeeyeen cod gacan taag ah.

Dooraahada Aqalka sare ee maamulka Galmudug ayaa aheyd mid si weyn uga duwaneyd doorashada maamulada kale ee dalka ay qabteen, waxaana xusid mudan in sideeda kursi ee Aqalka sare ee deegaan doorashadoodu tahay Galmudug in dhamaan Musharaxiinta guuleysatay ay ahaayeen kuwa loo tanaasulay oo aanan galin tartan adag.

Ugu dambeyntii labadan kursi ayaa ahaa kuwii ugu dambeeyay ee ka harsanaa 54 kursi ee uu ka kooban yahay aqalka sare iyadoo horey loo dhameystiray doorashada 52 kursi, waxaana maalmaha soo socda la filayaa in maamul goboleedyada dalka ay bilaabaan doorashada kuraasta Aqalka Hoose.

URL List

About The Author

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.