Isniin 25-ta July 2022, (Mogadishu-xog-ogaal) Ku-simaha Madaxweynaha ahna Guddoomiyaha Golaha Shacabka Jamhuuriyadda Federaalka Soomaaliya Sheekh Aadan Maxamed Nuur (Madoobe) ayaa maanta waxaa uu kulan la qaadatay Ergeyga Qaramada midoobay u qaabilsan Soomaaliya Amb, James Swan, kulanka ayaa waxa ay masuuliyiintu ugu hadleen weeraradii ugu dambeeyay ee ay Al Shabaab ka geeysteen qeybo ka mid ah gobolada dhaca xadka Itoobiya ee u dhaxeeyay Ciidamada liyuu Boolis iyo Al-Shabaab.
Sidoo kale masuuliyiinta ayaa waxa ay soo hadal qaadeen sidii loo dardar gelin lahaa taageerada ay siineeyso Qaramada midoobay ee Golaha Shacabka iyadoo laga sii-amba qaadaayo kulamo horay ay yeesheen danjire James swan iyo Guddoomiye Madoobe, ugu dambeyn Guddoomiyaha iyo danjiraha ayaa waxay ahmiyad gaar ah siiyeen arrimaha gurmadka Abaaraha iyo sidii wax looga qaban lahaa.
About The Author
