Home Wararka Gudaha Cumar Finish” Waan Ognahay in nala bedelayo balse ma naqaan cida nalagu...

Cumar Finish” Waan Ognahay in nala bedelayo balse ma naqaan cida nalagu bedelayo”

187
0

Axad 4-ta September 2022, (Mogadishu-xog-ogaal)  Guddoomiyaha gobolka Banaadir ahna duqa magaalada Muqdisho Cumar Maxamuud Finish ayaa habeen hore magaalada Muqdisho ku qabsaday xaflad qarash badan ku baxday oo lagu maamuusayay waxqabadka saddexdii sanno uu xilka hayay, xafladan oo u muuqatay mid sagootin ah oo Cumar Finish ku macsalaameenayo maamulka gobolka Banaadir, ayaa waxaa kasoo qeyb galay masuuliuyiin kala duwan iyo dadweyne lagu casuumay.

Cumar Finish oo hadal ka jeediyay xaflada lagu maamuusayay waxqabadkiisa inta uu xilka hayay ayuu ku sheegay in uu ogyahay in dhawwaan xilka laga qaadayo isaga iyo kuxigeenadiisa,balse waxa uu tilmaamay in uusan aqoon cidda lagu bedeli doono, masuuliyada waa meerto hadda waan joognaa beri cid kale ayaa imaaneysa, ma naqaan cidda na bedeli doonto, laakoin waxaan ognahay in nala bedeli doono , fursada aan heysano waa inta aan joogno ” ayuu yiri Cumar Fimish.

Cumar Fimish ayaa sheegay in isaga iyo xubnaha kale ee la shaqeeya intii ay xilka hayeen wax badan ka qabteen gobolka Banaadir, waxa uuna xusay in si hagar la’aan ah gobolka ugu soo shaqeeyay wax badana ugu soo qabtay, guddoomiyaha gobolka Banaadir Cumar Finish iyo kuxigeenadiisa ayaa suuqa la soo geliyey in xilka laga qadayo inkasta aysan jirin wax si rasmi ah u xaqiijinaya in xilka laga qaadayo.

URL List

About The Author

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.