Home Wararka Gudaha Ciidamadda Koofur Galbeed oo howlgallo ka bilaabay Magaalada Baydhabo.

Ciidamadda Koofur Galbeed oo howlgallo ka bilaabay Magaalada Baydhabo.

By
Xog Ogaal
-
155
0

Sabti 30-ka July 2022, (Baydhabo-xog-ogaal) Ciidamadda amniga maamulka Koofur Galbeed ayaa howlgallo  ka bilaabay magaalada Baydhabo oo xarun Kumeel Gaara u ah maamulkaasi, iyadoo howlgalada lagu baarayo gaadiidka iyo dadweynaha, ciidamadda ayaa si gaara uga howlgalaya kontoroolada laga soo galo magaalada, waxeyna saraakiisha hoggaamineyso ay sheegeen iney heleen xoggo sheegaya in magaalada ay soo galeen xubno Shabaab ah oo doonaya in falal amni daro ay ka geystaan xarunta gobolka Baay.

Howlagaladan ayaa ku soo aadaya xili shalay qarax xooggan oo ka dhacay nawaaxiga garoonka diyaaradaha Baydhabo lagu dilay wasiirka cadaalada maamulka Koofur Galbeed Sheekh Xasan Ibraahim Lugbuur iyo Wiilkiisa, halka ay ku dhaasacmeen kudhowaad 10 qof oo kale, dhinaca kalena, Mas’uuliyiin ka tirsan maamulka Koofur Galbeed aya maanta Baydhabo uga qeyb galayo aas qaran oo loo sameynayo wasiirka iyo wiilkiisa, waxaana si aad ah loo adkeeyay amniga goobta uu aaskan ka dhacayo oo ay isku hareereeyeen ciidamadda amniga.

Kooxda Shabaab ayaa todobaad gudihiis 3 qarax oo sababy dhimashada inkabadan 20 ruux ka geysatay magaalooyinka Marko,Afgooye iyo Baydhabo oo ka wada tirsan Koofur Galbeed, waxaana barbar socda dagaal laba todobaad qaatay oo ka tirsan gobolka Bakool ee dhaca xadka dowlad deegaanka Soomaalida Itoobiya.

About The Author

Xog Ogaal

See author's posts

RELATED ARTICLESMORE FROM AUTHOR

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.