Home Wararka Gudaha Al-shabaab oo si xoog ah kula wareegtay Isbitaalka degmada Ceelbuur ee gobolka...

Al-shabaab oo si xoog ah kula wareegtay Isbitaalka degmada Ceelbuur ee gobolka Galgaduud

149
0

Isniin 20-ka June 2022, (Ceelbuur-xog-ogaal) Wararka ka imaanaya degmada Ceelbuur ee gobolka Galgaduud ayaa sheegaya in dagaalamayaasha Al-shabaab si xoog ah kula wareegtay maamulka Isbitaalka guud ee degmada Ceelbuur, halkaas oo ay dhigeen dhaawacyo aad u badan oo dagaalyahano ka tirsan Shabaab ka soo gaaray dagaalkii dhawaan ka dhacay deegaanka Baxdo, qaar ka mid ah dadka deegaanka Ceelbuur oo codsaday in magacyadooda la adeegsan ayaa warbaahinta u sheegay in degmadaas la geeyey meydadka 37 ka mid ah dagaalyahanadii weerarka ku qaaday deegaanka Baxdo ee gobolka Galgaduud Jimcihii lasoo dhaafay.

Wararku waxay intaasi ku darayaan in dadkii kale ee bukaanada ahaa laga saaray gudaha Isbitaalka guud ee degmada Ceelbuur, waxaana la sheegay in dadka deegaanka amar lagu siiyay inay u soo dhawaan isbitaalka, lama oga tirada rasmiga ah ee dhaawacyada Al-shabaab ay dhigeen Isbitaalka degmada Ceelbuur ee gobolka Galgaduud, isbitaalka degmada Ceelbuur oo aan horay u shaqey jirin ayaa dhowaan waxaa dib u howl geliyey dadka deegaanka oo isku tashaday, hayeeshee Al-shabaab ayaa hadda la wareegtay gacan ku heynta maamulka Isbitaalka degmadaasi.

URL List

About The Author

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.